BeeTube News

...
ហេតុអ្វីបានជាទីក្រុងវ៉ាស៊ីនតោនបង្កើនអាវុធធុនធ្ងន់សំរាប់អ៊ុយក្រែន អ៊ុយក្រែនស្វែងរកការចរចាដើម្បីជម្លៀសមនុស្សចេញពី Mariupol បន្ទាប់ពីឱសានវាទស្លាប់ឬរស់ផុតកំណត់ដាក់ចេញដោយរុស្សី រុស្សីបដិសេធបទឈប់បាញ់គ្នាសំរាប់ការជម្លៀសជនស៊ីវិលនៅក្នុងពិធីបុណ្យEastern សមរភូមិនៅ Donbas នឹងអូសបន្លាយនិងពោរពេញដោយថ្លុកឈាម អាមេរិក អង់គ្លេស កាណាដា អះអាងថានឹងផ្តល់កាំភ្លើងធំដល់អ៊ុយក្រែន សភារុស្សី៖​ Finland ចូលរួមជាមួយNATOមានន័យថាបំផ្លាញប្រទេសខ្លួនឯង UNព្យួររុស្សីពីអង្គការសិទ្ធមនុស្ស,មូស្គូបានចាកចេញពីក្រុមប្រឹក្សារសិទ្ធមនុស្ស អាមេរិកនិយាយថាចិនអាចនឹងប្រឈមទៅនឹងទណ្ឌកម្មបើសិនជាគាំទ្ររុស្សីក្នុងសង្រ្គាមអ៊ុយក្រែន Zelensky ប្រាប់ UN សូមចាត់វិធានការជាបន្ទាន់លើរុស្សី ឬក៏រំលាយ UN ចោល អាមេរិក,អង់គ្លេស,អូស្ត្រាលី សហការគ្នាក្នុងការផលិតអាវុធលឿនជាងសម្លេង
Home ព័ត៌មានថ្មីៗ

FDA (Food and Drug Administration) ទទួលស្គាល់ឱសថដំបូងបំផុតដែលអាចពន្យារជំងឺទឹកនោមផ្អែមប្រភេទទី១

ថ្ងៃសុក្រ, 09 ខែធ្នូ 2022 15:36  BeeTube News

2022-12-09 15.30.43 (1) (1)

កាលពីថ្ងៃទី១៧ ខែវិច្ឆិកា ឆ្នាំ២០២២កន្លងទៅនេះ រដ្ឋ​​​បាលចំនីអាហារ និងឱសថរបស់សហរដ្ឋអាមេរិកបានទទួលស្គាល់ការចាក់ថ្នាំ Tzield (teplizumab-mzwv) ដើម្បីពន្យារដំណាក់កាលទី៣នៃជំងឺទឹកនោមផ្អែមប្រភេទទី១សំរាប់មនុស្សពេញវ័យ និងអ្នកជំងឺកុមារមានអាយុចាប់ពី៨ឆ្នាំឡើងទៅ ដែលបច្ចុប្បន្នកំពុងមានជំងឺទឹកនោមផ្អែមប្រភេទទី១ដំណាក់កាលទី២។ "ការទទួលស្គាល់វិធីព្យាបាលដំបូងគេបំផុតសំរាប់ថ្ងៃនេះបានបន្ថែមជំរើសវិធីព្យាបាលដ៏មានសារៈសំខាន់សំរាប់អ្នកជំងឺដែលប្រឈមនឹងករណីគ្រោះថ្នាក់ខ្លាំង" រៀបរាប់ដោយលោក John Sharretts, M.D., ប្រធានផ្នែកនៃជំងឺទឹកនោមផ្អែមបញ្ហាទាក់ទងនឹងក្រពេញលីពីត និងជំងឺលើសគីឡូនៅក្នុងមជ្ឈមណ្ឌល FDA សំរាប់ការស្រាវជ្រាវ និងវាយតម្លៃឱសថ។ "សក្តានុពលរបស់ឳសថដែលអាចពន្យាររោគសញ្ញានៃជំងឺទឹកនោមផ្អែមប្រភេទទី១នេះគឺវាអាចពន្យារពេលអ្នកជំងឺបានរាប់ខែរឺទៅដល់រាប់ឆ្នាំដោយមិនចាំបាច់ឈឺចាប់ទូលរែកនៃជំងឺមួយនេះ"។

ជំងឺទឹកនោមផ្អែមប្រភេទទី១គឺជាជំងឺដែលកើតឡើងនៅពេលប្រព័ន្ធភាពស៊ាំបានវាយប្រហារនិងបំផ្លាញកោសិកាដែលបង្កើតអាំងស៊ុយលីន។ មនុស្សដែលមានរោគសញ្ញាជំងឺទឹកនោមផ្អែមប្រភេទទី១បានបង្កើនសារធាតុគ្លុយកូសរបស់ពួកគេដោយការចាក់បញ្ចូលសារធាតុអាំងស៊ុយលីនទៅខាងក្នុងឈាម (រឺពាក់ឧបករណ៍ InsolinPump) ដើម្បីរស់រាន និងចាំបាច់ត្រូវពិនិត្យកំរិតជាតិស្កររបស់ពួកគេជាប្រចាំពេញមួយថ្ងៃ។ ថ្វីបើជំងឺមួយនេះអាចកើតឡើងលើមនុស្សគ្រប់វ័យជំងឺទឹកនោមផ្អែមប្រភេទទី១ភាគច្រើនតែងតែកើតឡើងលើកុមារ និងមនុស្សវ័យជំទង់។ មនុស្សម្នាក់ក៏អាចប្រឈមនឹងគ្រោះថ្នាក់ខ្លាំងដោយសារជំងឺទឹកនោមផ្អែមប្រភេទទី១បានដែរប្រសិនបើពួកគេមានឪពុក រឺម្តាយ បងប្អួនប្រុស រឺបងប្អូនស្រីមានជំងឺទំនោមផ្អែមប្រភេទទី១នេះ ទោះបីជាអ្នកជំងឺទឹកនោមផ្អែមប្រភេទទី១ភាគច្រើនមិនធ្លាប់មានប្រវត្តិក្រុមគ្រួសារមានជំងឺមួយនេះពីមុនមកទេ។ Tzield បានភ្ជាប់ទៅកាន់កោសិកាប្រព័ន្ធភាពស៊ាំណាមួយ និងបានពន្យារការវិវត្តទៅរកជំងឺទឹកនោមផ្អែមប្រភេទទី១ដំណាក់កាលទី៣។ Tzield អាចនឹងបញ្ឈប់សកម្មភាពរបស់កោសិកាប្រព័ន្ធស៊ាំដែលបំផ្លាញកោសិកាផលិតអាំងស៊ុយលីន ខណៈពេលផងដែរបង្កើនសមាមាត្រនៃកោសិកាជួយត្រួតពិនិត្យការឆ្លើយតបនៃប្រព័ន្ធភាពស៊ាំ។ Tzield ត្រូវបានប្រើប្រាស់ដោយតាមរយៈការចាក់បញ្ចូលទៅខាងក្នុងឈាមម្តងក្នុងមួយថ្ងៃរយៈពេល១៤ថ្ងៃបន្តបន្ទាប់គ្នា។ 

សុវត្ថិភាព និងប្រសិទ្ធភាពនៃការប្រើប្រាស់ Tzield ត្រូវបានវាយតម្លៃ និងត្រួតពិនិត្យដោយផ្អែកលើអ្នកជំងឺទាំង៧៦នាក់ដែលស្ថិតនៅក្នុងដំណាក់កាលទី២នៃជំងឺទឹកនោមផ្អែមប្រភេទទី១។ នៅក្នុងការធ្វើតេស្តសាកល្បងមួយនេះមានអ្នកជំងឺត្រូវបានជ្រើសរើសដោយចៃដន្យមកទទួលការព្យាបាលដោយមួយមានប្រើប្រាស់ Tzield និងមួយទៀតទទួលថ្នាំដែលអោយប្រសិទ្ធភាពក្លែងក្លាយហៅថា Placebo ម្តងក្នុងមួយថ្ងៃតាមរយៈការចាក់ថ្នាំបញ្ចូលតាមឈាមក្នុងរយៈពេល១៤ថ្ងៃ។ ការវាស់ស្ទង់បឋមនៃប្រសិទ្ធភាពគឺនៅពេលចាប់ផ្តើមរាប់ពីការបែងចែកក្រុមអ្នកជំងឺដោយចៃដន្យរហូតទៅដល់ការវិវត្តនៃជំងឺទឹកនោមផ្អែមប្រភេទទី១ដំណាក់កាលទី៣។ ការពិសោធន៍នេះរកឃើញថាជាមធ្យមក្នុងរយៈពេលប្រមាណ៥១ខែ ៤៥%នៃអ្នកជំងឺ៤៤នាក់ដែលទទួលបានថ្នាំ Tzield ត្រូវបានពន្យាពេលវិវត្តទៅរកជំងឺទឹកនោមផ្អែមប្រភេទទី១ដំណាក់កាលទី៣ បើប្រៀបធៀបទៅនឹង៧២%នៃអ្នកជំងឺ៣២នាក់ដែលទទួលបានថ្នាំ Placebo ព្យាបាលក្លែងក្លាយ។ រយៈពេលមធ្យមរាប់ចាប់តាំងពីការបែងចែងក្រុមអ្នកជំងឺមកកាន់រោគសញ្ញាដំណាក់កាលទី៣នៃជំងឺទឹកនោមផ្អែមប្រភេទទី១គឺប្រហែល៥០ខែសំរាប់អ្នកជំងឺទទួលបានថ្នាំ Tzield និងរយៈពេល២៥ខែសំរាប់អ្នកជំងឺទទួលថ្នាំ Placebo។ នេះបង្ហាញអោយឃើញពីការពន្យារពេលមួយនៃការវិវត្តជំងឺទឹកនោមផ្អែមប្រភេទទី១ដំណាក់កាលទី៣យ៉ាងពិតប្រាកដ។

ផលប៉ះពាល់រួមមួយនៃការប្រើប្រាស់ Tzield គឺរាប់បញ្ចូលដោយការធ្លាក់ចុះនៃកោសិកាឈាមស ការចេញរមាស់ និងការឈឺក្បាល។ បំរើបំរាស់ Tzield គួរប្រកាន់ខ្ជាប់ជាមួយនឹងបំរុងប្រយ័ត្នខ្ពស់ដូចជាការប្រើប្រាស់ថ្នាំអ្វីមួយផ្សេងមកពីមុន និងការត្រួតពិនិត្យរោគសញ្ញានៃជំងឺ Cytokine Release Syndrome ហានិភ័យនៃការអាចឆ្លងមេរោគដ៏ធ្ងន់ធ្ងរ ការធ្លាក់ចុះនៃកោសិកាឈាមសហៅថា Lymphocytes ហានិភ័យនៃប្រតិកម្មខ្ពស់តំរូវការចាំបាច់ក្នុងការត្រួតពិនិត្យគ្រប់ប្រភេទទំរង់វ៉ាក់សាំងសំរាប់គ្រប់វ័យមុននឹងចាប់ផ្តើមប្រើប្រាស់ Tzield ក៏ដូចជាចៀសវាងការប្រើប្រាស់ដំណាលគ្នានូវវ៉ាក់សាំង mRNA ជាមួយគ្នានឹង Tzield។ 

 


ថ្ងៃសុក្រ, 09 ខែធ្នូ 2022 15:36  BeeTube News