1. រុស្ស៊ីនឹងប្រើអាវុធនុយក្លេអ៊ែរទេ?

យោងតាមរបាយការណ៍ពីប្រព័ន្ធផ្សព្វផ្សាយរដ្ឋរុស្ស៊ី Ria Novosti បានឱ្យដឹងថា លោក ពូទីនបានប្រកាសពីផែនការសាងសង់កន្លែងផ្ទុកអាវុធនុយក្លេអ៊ែរនៅក្នុងប្រទេសបេឡារុស្សនៅថ្ងៃទី 1 ខែកក្កដានៅថ្ងៃសៅរ៍។ ប្រធានគណៈកម្មាធិការកិច្ចការបរទេសនៃសភាលោក Michael McCaul (R-Texas) បាននិយាយនៅក្នុងបទសម្ភាសន៍មួយនៅលើ "Fox News Sunday" ថា "ភាពតានតឹងកំពុងកើនឡើង" ។ “ខ្ញុំគិតថា នេះជាការបំផ្លិចបំផ្លាញរបស់ពូទីន”។ ព្រឹទ្ធសមាជិក Mark Warner (D-Va.) បានពណ៌នាលោក Putin ថាជា "បុរសគ្រោះថ្នាក់" ហើយបាននិយាយថាការគំរាមកំហែងនេះបង្ហាញពីតម្រូវការសម្រាប់មេដឹកនាំសហរដ្ឋអាមេរិកនិងអ្នកដែលប្រជែងគ្នាដើម្បីភាពជាអ្នកដឹកនាំដើម្បីមើលឃើញការគំរាមកំហែងនោះមានសារៈសំខាន់ចំពោះផលប្រយោជន៍របស់សហរដ្ឋអាមេរិក។ ថ្លែងក្នុងកម្មវិធី “រដ្ឋសហភាព” របស់ទូរទស្សន៍ CNN លោក Warner បាននិយាយថា ប្រសិនបើការគាំទ្ររបស់អាមេរិកចំពោះអ៊ុយក្រែនធ្លាក់ចុះ លោក ពូទីន អាចបន្តទៅគំរាមកំហែងប៉ូឡូញ ឬលោកប្រធានាធិបតី Xi Jinping អាចទទួលយកភាពទន់ខ្សោយរបស់សហរដ្ឋអាមេរិកជា "ភ្លើងខៀវបន្ថែមទៀតដើម្បីចាត់វិធានការប្រឆាំងនឹងតៃវ៉ាន់" ។ លោក​បាន​បន្ត​ថា​៖ «​អ្នក​ណា​ដែល​មិន​យល់​នោះ​គឺ​ជា​រឿង​ឆោតល្ងង់ ឬ​មិន​យល់​ពី​ប្រភេទ​នៃ​ការប្រឈម​ខាង​ភូមិសាស្ត្រ​នយោបាយ​ដែល​យើង​រស់នៅ​»​។

                      2. លោក ពូទីន និយាយថា រុស្ស៊ីនឹងដាក់ពង្រាយអាវុធនុយក្លេអ៊ែរនៅបេឡារុស្ស

ប្រធានាធិបតីរុស្ស៊ី លោក វ្ល៉ាឌីមៀ ពូទីន បាននិយាយថាទីក្រុងមូស្គូបានធ្វើកិច្ចព្រមព្រៀង ជាមួយប្រទេសជិតខាងបេឡារុស្សដើម្បីដាក់អាវុធនុយក្លេអ៊ែរយុទ្ធសាស្ត្រនៅលើទឹកដីរបស់ពួកគេ។ ការប្រកាសរបស់លោកពូទីននៅថ្ងៃសៅរ៍នេះបានកើតឡើងនៅពេលដែលមានភាពតានតឹងឡើងជាមួយនឹងប្រទេសលោកខាងលិចជុំវិញអំពីបញ្ហារឿងសង្គ្រាមនៅអ៊ុយក្រែននេះ និងខណៈដែលអ្នកអត្ថាធិប្បាយរុស្ស៊ីមួយចំនួនកំពុងប៉ាន់ស្មានអំពីការវាយប្រហារនុយក្លេអ៊ែរដែលអាចកើតមាន។ លោកពូទីនបាននិយាយថា កិច្ចព្រមព្រៀងជាមួយបេឡារុស្សនឹងមិនបំពានលើកិច្ចព្រមព្រៀងមិនរីកសាយភាយនុយក្លេអ៊ែរទេ ដោយលោកបានបន្ថែមថាសហរដ្ឋអាមេរិកបានឈរជើងអាវុធនុយក្លេអ៊ែរនៅលើទឹកដីនៃសម្ព័ន្ធមិត្តអឺរ៉ុបអស់ជាច្រើនទសវត្សរ៍មកហើយ។ លោក ពូទីន បានប្រាប់ទូរទស្សន៍រដ្ឋថា ប្រធានាធិបតីបេឡារុស្ស Alexander Lukashenko បានលើកឡើងជាយូរមកហើយអំពីបញ្ហានៃការដាក់ទីតាំងអាវុធនុយក្លេអ៊ែរយុទ្ធសាស្ត្រនៅក្នុងប្រទេសរបស់លោក ដែលមានព្រំប្រទល់ជាប់ប្រទេសប៉ូឡូញជាសមាជិកណាតូ។ រដ្ឋមន្រ្តីអាមេរិចនិយាយថា«យើង​នៅ​តែ​ប្តេជ្ញា​ចិត្ត​ចំពោះ​ការ​ការពារ​ជា​សមូហភាព​នៃ​សម្ពន្ធមិត្ត​ណាតូ»។

                       3. ណាតូរិះគន់ការឃោសនានុយក្លេអ៊ែរនៅប្រទេស​​​ Belarus

ណាតូបានរិះគន់លោកវ្ល៉ាឌីមៀ ពូទីន សំរាប់រឿងដែលហៅថាភាពគ្រោះថ្នាក់ និងគ្មានទំនួលខុសត្រូវនៃការឃោសនានុយក្លេអ៊ែររបស់ពួកគេបន្ទាប់ពីប្រធានាធិបតីរុស្ស៊ីបានប្រកាសថាប្រទេសរបស់លោកនឹងដាក់ទីតាំងអាវុធនុយក្លេអ៊ែរយុទ្ធសាស្ត្រនៅក្នុងប្រទេសបេឡារុស្ស។ លោកពូទីនបាននិយាយកាលពីថ្ងៃសៅរ៍ថាការដាក់ពង្រាយនេះគឺស្រដៀងគ្នាទៅនឹងជំហ៊ានរបស់សហរដ្ឋអាមេរិកដែរ ដែលរក្សាទុកអាវុធបែបនេះនៅតាមមូលដ្ឋានមួយចំនួនដូចជានៅក្នុងប្រទេសបែលហ្ស៊ិក អាល្លឺម៉ង់ អ៊ីតាលី ហូឡង់ និងទួរគី ហើយការប្រកែកពីសម្ព័ន្ធមិត្តលោកខាងលិចបានលើកឡើងថារឿងនេះមិនពិតនោះទេ។ កាលពីថ្ងៃអាទិត្យ លេខាធិការក្រុមប្រឹក្សាសន្តិសុខ និងការពារជាតិអ៊ុយក្រែន លោក Oleksiy Danilov បានសរសេរនៅលើ Twitter ថា "វិមានក្រឹមឡាំងបានយកប្រទេសបេឡារុសធ្វើជាចំណាប់ខ្មាំងនុយក្លេអ៊ែរហើយ"។

                        4.  អ៊ុយក្រែនបំប៉ោងចំនួនទាហានស៊ីឈ្មួលបរទេស

កាសែត New York Times បានរាយការណ៍កាលពីថ្ងៃសៅរ៍ថាចំនួនពិតប្រាកដនៃអ្នកចុះឈ្មោះជ្រើសរើសសម្រាប់កងពលធំអន្តរជាតិរបស់អ៊ុយក្រែនគឺមានចំនួនតូចជាងច្រើនដងនៃតួលេខដែលលើកឡើងដោយមន្ត្រីនៅទីក្រុងគៀវ។ លើសពីនេះទៀតទាហានស៊ីឈ្នួលដែលមានឋានៈខ្ពស់មួយចំនួនបានប្រើជំហររបស់ពួកគេដើម្បីកុហក និងរកប្រាក់ចំណេញពីជម្លោះនេះ។ ក្នុងរយៈពេលពីរថ្ងៃដែលកងទ័ពរុស្ស៊ីបានចូលលុកលុយអ៊ុយក្រែនកាលពីខែកុម្ភៈមុន ប្រធានាធិបតីវ្ល៉ាឌីមៀហ្សេលេនស្គី បានចេញការអំពាវនាវឱ្យជ្រើសរើសទាហានអន្តរជាតិដើម្បីពង្រឹងជួរយោធារបស់លោក។ មួយសប្តាហ៍ក្រោយមកប្រមុខអង្គភាពយោធាសំងាត់អ៊ុយក្រែន លោក Kirill Budanov បានប្រាប់ CNN ថា មានអ្នកចុះឈ្មោះចំនួន 20,000 នាក់បានដាក់ពាក្យចូលរួមជាមួយកងកំលាំងអន្តរជាតិដែលទើបនឹងបង្កើតថ្មី។ ទោះជាយ៉ាងណាក៏ដោយ កាសែត New York Times បានរាយការណ៍ថា"ការចុះឈ្មោះពិតប្រាកដមានចំនួនតិចជាងឆ្ងាយ"។ ដោយដកស្រង់ "មនុស្សដែលមានចំណេះដឹងអំពីកងពល"នេះ កាសែតបាននិយាយថាបច្ចុប្បន្នមានសមាជិកប្រហែលត្រឹមតែ1,500 នាក់ប៉ុណ្ណោះនៅក្នុងជួររបស់ខ្លួនហើយថា"ឯកសារផ្ទៃក្នុងបង្ហាញថាកងពលកំពុងជួបបញ្ហាលំបាក" ។ កាសែត The Times មិន​បាន​បញ្ជាក់​ថា​តើ​សមាជិក​កង​ទ័ព​អន្តរជាតិ​ប៉ុន្មាន​នាក់​ត្រូវ​បាន​សម្លាប់​ក្នុង​សកម្មភាពនេះទេ។ ក្រសួងការពារជាតិរុស្ស៊ីបានអះអាងកាលពីខែមីនាឆ្នាំមុនថា ខ្លួនបានសម្លាប់ទាហានស៊ីឈ្នួសអន្តរជាតិ"ប្រមាណជាង 180"នាក់នៅក្នុងការវាយប្រហារដោយមីស៊ីលលើមូលដ្ឋាននៅជិតLviv ហើយថាមនុស្សរាប់សិបនាក់ទៀតត្រូវបានសម្លាប់នៅក្នុងការវាយប្រហារស្រដៀងគ្នានេះលើមូលដ្ឋាននៅជិតព្រំដែនបេឡារុស្សមួយសប្តាហ៍ក្រោយមក។ នៅ​ចុង​ខែ​នេះទីក្រុង​មូស្គូ​បាន​អះអាង​ថា​បាន​លុប​បំបាត់​ទាហានស៊ីឈ្នួល​បរទេស​ចំនួន ៦០០ នាក់​នៅ​អ៊ុយក្រែនហើយ។ បន្ទាប់ពីមានការប្រកាសរបស់ប្រធានាធិបតីរុស្ស៊ីថាលោកមានបំណងដំឡើងអាវុធនុយក្លេអ៊ែរយុទ្ធសាស្ត្រនៅក្នុងប្រទេសបេឡារុស្សមន្ត្រីណាតូបានហៅភាសានុយក្លេអ៊ែររបស់លោក វ្ល៉ាឌីមៀ ពូទីន ថាជា "គ្រោះថ្នាក់"។ យោងតាមអ្នកនាំពាក្យអង្គការណាតូលោកOana Lungescu បាននិយាយថា វោហាសាស្ត្រថ្មីៗរបស់រដ្ឋាភិបាលរុស្ស៊ី ជុំវិញសមត្ថភាពនុយក្លេអ៊ែររបស់ខ្លួន គឺមិនប្រុងប្រយ័ត្ន និងបង្កហានិភ័យយ៉ាងធ្ងន់ធ្ងរដល់សន្តិសុខពិភពលោក។ លោកស្រីបានកត់សម្គាល់ថា អង្គការណាតូកំពុងឃ្លាំមើលស្ថានការណ៍យ៉ាងសកម្ម និងចាត់វិធានការប្រុងប្រយ័ត្នជាចាំបាច់ដើម្បីការពារសុវត្ថិភាពរបស់សមាជិករបស់ខ្លួន។ លោក Lungescu ក៏បានបញ្ជាក់ផងដែរថា មិនមានការផ្លាស់ប្តូរដែលអាចមើលឃើញនៅក្នុងជំហរនុយក្លេអ៊ែររបស់រុស្ស៊ី ដែលនឹងបង្ខំឱ្យមានការផ្លាស់ប្តូរនៅក្នុងជំហរនុយក្លេអ៊ែរផ្ទាល់របស់ណាតូនោះទេ។ លោកស្រីបានគូសបញ្ជាក់ថា អង្គការណាតូប្តេជ្ញារក្សាការទប់ស្កាត់ដ៏រឹងមាំ និងគួរឱ្យជឿជាក់ ដោយថាខ្លួនក៏មានឆន្ទៈក្នុងការចូលរួមកិច្ចពិភាក្សាជាមួយរុស្ស៊ីផងដែរ ដើម្បីជៀសវាងការយល់ច្រឡំ និងការគណនាខុស។ លោកស្រីបានបន្តដោយនិយាយថា “ពាក្យសច្ចាមិនរីកសាយភាយ” របស់ប្រធានាធិបតីរុស្ស៊ី និងការវាយតម្លៃរបស់គាត់លើការដាក់ពង្រាយអាវុធរបស់អាមេរិកនៅទូទាំងពិភពលោកគឺគ្មានន័យទាំងស្រុង។

                        5. Trump ធ្វើ​ការ​ប្រមូល​ផ្តុំ​យុទ្ធនាការ​លើក​ដំបូង​ក្នុង​ឆ្នាំ 2024 នៅ Waco រដ្ឋ Texas

អតីតប្រធានាធិបតីអាមេរិកលោក Donald Trump បានប្រារព្ធការប្រមូលផ្តុំជាលើកដំបូងនៅ ក្នុងយុទ្ធនាការប្រធានាធិបតីឆ្នាំ2024 របស់លោកនៅទីក្រុង Waco នៃរដ្ឋតិចសាស់ ប្រឆាំងនឹងការចោទប្រកាន់របស់ព្រះរាជអាជ្ញាដែលកំពុងស៊ើបអង្កេតក្តីលោក​​​និងបានប្រើភាសាទាញទំលាក់លោកចេញពីការឈរជើងមូលដ្ឋាននៅមុនការបោះឆ្នោតបឋមរបស់គណបក្សសាធារណរដ្ឋសំរាប់ឆ្នាំក្រោយ។ លោក Trump ប្រឈមមុខនឹងការចោទប្រកាន់ និងបានបើកការជួបជុំនៅថ្ងៃសៅរ៍ដោយបានចាក់បទចម្រៀង"Justice for All"ដែលមានក្រុមចម្រៀងបុរសជាប់ពន្ធនាគារកាលពីតួនាទីរបស់ពួកគេនៅក្នុងថ្ងៃទី 6 ខែមករាឆ្នាំ 2021កន្លងទៅនៃការបះបោរនៅឯវិមាន Capitol សហរដ្ឋអាមេរិកបាននាំគ្នាច្រៀងបទចំរៀងជាតិ និងការថតសំឡេងរបស់លោក Trump និយាយពាក្យសច្ចានៃភក្តីភាព។ វីដេអូមួយចំនួនពីការបះបោរត្រូវបានបង្ហាញនៅលើអេក្រង់។ នៅក្នុងសុន្ទរកថារបស់លោក លោក Trump បានការពារក្រុមបះបោរដោយនិយាយថា ពួកគេនឹង"ត្រូវបានបញ្ជាក់ស្អាតស្អំហើយ" ហើយបានពណ៌នាការស៊ើបអង្កេតជុំវិញរឿងរ៉ាវរបស់លោកថាជា "គឺរឿងរ៉ាវហោះចេញពីទស្សនីយភាពរន្ធត់នៃរឿងរបស់មេដឹកនាំរុស្ស៊ីលោកស្តាលីនដែរ"។