ភ្នំពេញ៖ គិតត្រឹមថ្ងៃទី៣១ ខែមករា ឆ្នាំ២០២៣ នាយកដ្ឋានប្រកាសទ្រព្យសម្បត្តិ និងបំណុលរបស់អង្គភាពប្រឆាំងអំពើពុករលួយ (ACU) បានទទួលឯកសារប្រកាសទ្រព្យសម្បត្តិ និងបំណុលសរុបចំនួន២២,៦៤៥ច្បាប់។ សេចក្តីជូនដំណឹងរបស់អង្គភាពប្រឆាំងអំពើពុករលួយស្តីពីលទ្ធផលនៃការទទួលឯកសារប្រកាសទ្រព្យសម្បត្តិ និងបំណុលតាមរបប២ឆាំ្នសម្រាប់ឆ្នាំ២០២៣បានឱ្យដឹងថា ក្នុងរយៈពេលពេញ១ខែមករាមកនេះនាយកដ្ឋានប្រកាសទ្រព្យសម្បត្តិ និងបំណុលទទួលឯកសារប្រកាសទ្រព្យសម្បត្តិ និងបំណុលសរុបចំនួន២២,៦៤៥ច្បាប់ ។

អង្គភាពប្រឆាំងអំពើពុករលួយបានបញ្ជាក់ថា ក្រសួងស្ថាប័នចំនួន៣៥ និងរាជធានីខេត្តចំនួន២៥បានបញ្ចប់ការប្រកាសរបស់ខ្លួន១០០ភាគរយ។ សូមបញ្ជាក់ថា ការទទួលឯកសារប្រកាសទ្រព្យសម្បត្តិ និងបំណុលតាមរបប២ឆាំ្នត្រូវបានចាប់ផ្ដើមធ្វើឡើងកាលពីថ្ងៃទី១ដល់ថ្ងៃទី៣១ ខែមករា ឆ្នាំ២០២៣ គឺអនុវត្តតាមសេចក្ដីជូនដំណឹងស្ដីពីកាលបរិច្ឆេទទទួលឯកសារប្រកាសទ្រព្យសម្បត្តិ និងបំណុលតាមរបប២ឆាំ្ន ឆ្នាំ២០២៣ លេខ០០៥/២២ ស.ជ.ណ ចុះថ្ងៃទី២០ ខែតុលា ឆ្នាំ២០២២៕