1. អ្នកកាសែតអាមេរិចទំលាយថារុស្ស៊ីនិងអ៊ុយក្រែននៅតែធ្វើពាណិជ្ជកម្មជាមួយគ្នាគឺជារឿង"ឆ្កួត" បំផុត
យោងតាមសារព័ត៌មាន RT ចុះផ្សាយកាលពីថ្ងៃទី២៤ ខែមេសាបានអោយដឹងថាអ្នកកាសែតស៊ើបអង្កេតជើងចាស់មួយរូបនេះបានរៀបរាប់លម្អិតអំពីការអះអាងរបស់លោកអំពីអំពើពុករលួយក្នុងទីក្រុងគៀវក្នុងបទសម្ភាសន៍មួយដែលផ្សាយដោយសារព័ត៌មាន RT Russia and Ukraine ឡើងថាទោះបីជាប្រទេសទាំងពីរនេះត្រូវបានជាប់គាំងនៅក្នុងជម្លោះប្រដាប់អាវុធក៏ដោយ ក៏ពួកគេនៅតែបន្តធ្វើពាណិជ្ជកម្មលើផលិតផល និងសេវាកម្មទៅវិញទៅមកដែរ ដោយស្ថានភាពដែលអ្នកកាសែតលោក Seymour Hersh បានពណ៌នាឡើងថាជាទង្វើ "ឆ្កួតខ្លាំងណាស់" នៅក្នុងបទសម្ភាសន៍មួយនៅក្នុងកម្មវិធីទូរទស្សន៍ 'Going Underground'។ លោក Hersh បាននិយាយនៅក្នុងបទសម្ភាសន៍ផ្សាយឡើងដោយសារព័ត៌មាន RT កាលពីថ្ងៃច័ន្ទថា"ប្រេងនិងប្រាក់គឺប្រហែលជាបានដឹកមុខលើហេតុផលដែលគួរត្រូវពិចារណាហើយ"។ លោកបានបន្ថែមទៀតថា វាប្រហែលជាមិនពិបាកពេកទេក្នុងការស្វែងរកសញ្ញានៃអំពើពុករលួយនៅក្នុងប្រទេសអ៊ុយក្រែន។
2. ទីក្រុង Warsaw ថាដោយសារអាល្លឺម៉ង់ពន្យារអ៊ុយក្រែនចូលណាតូទើបមានសង្គ្រាម
យោងតាមសារព័ត៌មាន RT ចុះផ្សាយថ្ងៃទី24 ខែមេសាបានអោយដឹងថាទីក្រុងប៊ែរឡាំង ប៉ារីស និងរដ្ឋធានីអឺរ៉ុបខាងលិចផ្សេងៗទៀតតែងតែធ្លាប់បានប្រឆាំងនឹងទីក្រុងកៀវក្នុងការចូលរួមជាមួយនឹងប្លុកនេះ។ អនុរដ្ឋមន្ត្រីការបរទេសប៉ូឡូញ លោក Piotr Wawrzyk បានអះអាងថាជម្លោះកំពុងបន្តរវាងរុស្ស៊ីនិងអ៊ុយក្រែននេះ អាចត្រូវបានចៀសវាងឡើងទាំងអស់ ប្រសិនបើអាឡឺម៉ង់មិនព្យាយាមពន្យារពេលក្នុងការចូលជាសមាជិកភាពរបស់ទីក្រុង Kiev នៃអង្គការណាតូទេ។ ការអត្ថាធិប្បាយថ្មីៗរបស់រដ្ឋមន្ត្រីការពារជាតិអាល្លឺម៉ង់ លោក Boris Pistorius កាលពីថ្ងៃព្រហស្បតិ៍ឡើងថា"វាមិនមែនជាពេលវេលានៃការសម្រេចចិត្តអំពីកន្លែងរបស់អ៊ុយក្រែននៅក្នុងអង្គការណាតូទេ"គឺបានក្លាយជាសញ្ញាមួយបង្ហាញពីគំនិតរបស់ទីក្រុងប៊ែរឡាំងប្រហែលជាមិនទាន់បានផ្លាស់ប្តូរ។ ជំហររបស់អាល្លឺម៉ង់នេះបានធ្វើអោយលោក Wawrzykចោទសួរឡើងថា"ចុះតើពេលណាទើបសក្តិសម?"លោកក៏បានអះអាងឡើងបន្ថែមថា៖ "ប្រសិនបើអាល្លឺម៉ង់មិនបានព្យាយាមពន្យារពេលការចូលជាសមាជិកណាតូរបស់អ៊ុយក្រែនទេ ប្រសិនបើអ៊ុយក្រែនបានទទួលការអញ្ជើញឲ្យចូលរួមក្នុងសម្ព័ន្ធភាពជាច្រើនឆ្នាំកន្លងទៅនៅក្នុងទីក្រុង Munich នោះនឹងមិនមានសង្រ្គាមនៅអ៊ុយក្រែននៅថ្ងៃនេះទេ»។
3. អ្នកប្រឆាំងសង្គ្រាម JimmyDoreថាសត្រូវមិនមែនចិន រឺអាមេរិចទេតែជាឧស្សាហកម្មយោធា
យោងតាមសារព័ត៌មាន China Daily ចុះផ្សាយកាលពីថ្ងៃទី២៣ ខែកុម្ភៈកន្លងទៅនេះបានអោយដឹងថាសកម្មជនប្រឆាំងសង្រ្គាមលោក Jimmy Dore បានធ្វើអត្ថាធិប្បាយលើការព្យាករណ៍របស់ឧត្តមសេនីយ៍កងទ័ពអាកាសអាមេរិកលោក Mike Minihan អំពី "សង្រ្គាមជាមួយប្រទេសចិននៅឆ្នាំ2025" ថា"សត្រូវរបស់យើងមិនមែនជាចិន ឬរុស្ស៊ីទេ ប៉ុន្តែសត្រូវរបស់អ្នកគឺជាឧស្សាហកម្មយោធាដែលប្រមូលបានប្រាក់រាប់រយពាន់លានដុល្លាដល់ប្រទេសនេះ»។ការអត្ថាធិប្បាយនោះបង្ហាញថាអ្នកយល់ដឹងនៅសហរដ្ឋអាមេរិកបានដឹងច្បាស់ណាស់ថាឧស្សាហកម្ម-យោធា គឺអ្វីដែលគំរាមកំហែងពលរដ្ឋអាមេរិកអោយភ័យខ្លាចសង្គ្រាមដែលមិនមានតាំងពីដំបូង ហើយបានប្រមូលលុយបង់ពន្ធ និងបានបញ្ជូនយុវជន និងស្ត្រីទៅកាន់សមរភូមិលើទឹកដីបរទេស។ពួកគេក៏បានដឹងច្បាស់ថាអាមេរិចបានដឹងច្បាស់ណាស់ថាសត្រូវ និងមិត្តរបស់ពួកគេគឺជានរណា ហើយវាក៏មិនអាចធ្លាក់លើសេតវិមាន រឺមន្ទីរបញ្ចកោណអ្វីនោះដែរ តែនឹងធ្លាក់លើកន្លែងផ្សេងៗនៅពាសពេញពិភពលោកដែលជាប្រទេសក្រីក្រទន់ខ្សោយទៅវិញ។ នោះគឺមានតែជាអ្នកមាន និងអ្នកមានអំណាចប៉ុណ្ណោះដែលផលិតអាវុធលក់ទៅកាន់តំបន់មួយចំនួនក្នុងពិភពលោក និងរកកំរ៉ៃចេញពីឈាមរបស់អ្នកដទៃ។ ការលក់អាវុធ និងការបន្ទោសចិនអាចជារឿងតែពីរដែលបក្សទាំងពីរនៅអាមេរិកកំពុងមើលឃើញដោយផ្ទាល់ភ្នែក។ ដោយសារឧស្សាហកម្មយោធានេះហើយ អាមេរិកត្រូវបង្កើតសត្រូវដែលមិនមានតាំងពីដំបូង ហើយចិនគឺជាលេខរៀងទី1 នៅក្នុងបញ្ជីសត្រូវក្នុងក្តីស្រមៃនោះ ដែលជាមូលហេតុដែលឧត្តមសេនីយលោក Minihan បានទស្សន៍ទាយសង្រ្គាមថានឹងអាចកើតឡើងនៅឆ្នាំ 2025 ។
4. រដ្ឋមន្ត្រីហិរញ្ញវត្ថុរុស្ស៊ីថាទណ្ឌកម្មលោកខាងលិចបានដាក់ទទួលរងផលទៅវិញ
យោងតាមសារព័ត៌មាន RT ចុះផ្សាយកាលពីថ្ងៃទី២៤ ខែមេសាបានអោយដឹងថាលោក Anton Siluanov រដ្ឋមន្ត្រីក្រសួងហិរញ្ញវត្ថុបានអះអាងថា គោលនយោបាយចក្ខុវិស័យខ្លីរបស់ EU កំពុងធ្វើឲ្យប្លុកនេះទទួលរងផលប៉ះពាល់ខ្លាំងជាងទីក្រុងម៉ូស្គូទៅទៀត។ លោក Anton Siluanov បានប្រាប់សារព័ត៌មាន RT កាលពីថ្ងៃចន្ទថាប្រទេសលោកខាងលិចកំពុងអស់វិធីក្នុងការរឹតត្បិតលើទីក្រុងមូស្គូ បន្ទាប់ពីការដាក់ទណ្ឌកម្មជាច្រើនលើកជាច្រើនសារ ជំនួសឲ្យការធ្វើអោយប៉ះពាល់ដល់សេដ្ឋកិច្ចរុស្ស៊ី បែរត្រូវជាចាំងផ្លាតដល់ប្រជាជាតិរបស់ខ្លួនទៅវិញ។ លោកបានប្រកែកថា"ការរឹតត្បិតទាំងអស់នេះបែរជាជះផលប៉ះពាល់ទៅកាន់ពួកគេទៅវិញ" ដោយកត់សម្គាល់ពីវិបត្តិតម្លៃនៃការរស់នៅកាន់តែធ្ងន់ធ្ងរនៅក្នុងប្រទេសលោកខាងលិច អតិផរណាកើនឡើង និងការធ្លាក់ចុះនៃកម្រិតជីវភាពរស់នៅ។
5. សហរដ្ឋអាមេរិកមានផែនការសម្ងាត់ដើម្បីសម្លាប់មេបញ្ជាការ Wagner
យោងតាមសារព័ត៌មាន RT ចុះផ្សាយកាលពីថ្ងៃទី២៤ ខែមេសាបានអោយដឹងថា ការវាយប្រហារប្រឆាំងក្រុមយោធាក្នុងប្រទេសម៉ាលីអាចនឹងត្រូវបានរៀបចំដោយអ៊ុយក្រែន នេះបើតាមកាសែត Washington Post បានរាយការណ៍កាលពីថ្ងៃអាទិត្យថា ក្រុមមន្ត្រីសហរដ្ឋអាមេរិកមានការពិចារណាក្នុងការកំចាត់មន្ត្រីកំពូលពីក្នុងក្រុមយោធាឯកជនរុស្ស៊ី Wagner ដើម្បីប៉ុនប៉ងទប់ស្កាត់ការកើនឡើងនូវឥទ្ធិពលរបស់ពួកគេនៅក្នុងទ្វីបអាហ្រ្វិក។ ឯកសារនេះត្រូវបានបញ្ចេញឡើងដោយឆ្មាំអាមេរិចម្នាក់ និងបានទំលាយពីសកម្មភាពរបស់អាមេរិចក្នុងការប៉ន់ប៉ងប្រឆាំងនឹងក្រុម Wagner ហើយក្នុងនោះក៏ត្រូវបានអះអាងឡើងអំពីសហរដ្ឋអាមេរិកក្នុងការពិចារណាបញ្ជូនព័ត៌មានទៅជួយអ៊ុយក្រែនដើម្បីសម្លាប់មេបញ្ជាការនៃក្រុមយោធា Wagner នៅក្នុងអាហ្វ្រិកផងដែរ។
