ខាងក្រោមនេះគឺជាចំណុចសំខាន់ៗដែលរៀបរាប់ពីអត្ថប្រយោជន៍នៃការបរិភោកាហ្វេ៖
១ កាហ្វេល្អសម្រាប់តម្រងនោម
លើសពីដាស់អ្នកនៅពេលព្រឹក កាហ្វេអាចជួយអ្នកក្នុងការការពារជំងឺផ្សេងៗទាក់ទងនឹងតម្រងនោមផងដែរ។ ការសិក្សាបានបង្ហាញថា ការបរិភោគកាហ្វេ ២ ទៅ ៣ កែវក្នុងមួយថ្ងៃអាចជួយកាត់បន្ថយហានិភ័យរបួសតម្រងនោមពេលដែលតម្រងនោមបាត់បង់មុខងារទាំងអស់ភ្លាមៗឬមួយផ្នែកណាមួយ។ អ្នកស្រាវជ្រាវជឿថាសមាសធាតុជីវសកម្មមួយចំនួននៅក្នុងកាហ្វេធ្វើអោយការប្រើប្រាស់អុកស៊ីហ្សែននៅក្នុងតម្រងនោមប្រសើរឡើងដែល ជួយឱ្យតម្រងនោមធ្វើការកាន់តែមានប្រសិទ្ធភាព។
២ កាហ្វេអាចមានអត្ថប្រយោជន៍សម្រាប់បេះដូងរបស់អ្នក
ថ្វីត្បិតតែកាហ្វេអាចធ្វើឱ្យចង្វាក់បេះដូងរបស់អ្នកដើរលឿនក៏ដោយ ការបរិភោគកាហ្វេក្នុងកម្រិតមធ្យមពិតជាអាចកាត់បន្ថយហានិភ័យនៃការវិវត្តទៅជាជំងឺដាច់សរសៃឈាមខួរក្បាល។ការទទួលទានកាហ្វេខ្មៅ 1 ទៅ 2 ពែងជារៀងរាល់ថ្ងៃ ផ្តល់អត្ថប្រយោជន៍ដល់សុខភាពសរសៃឈាមបេះដូង និងកាត់បន្ថយហានិភ័យនៃជំងឺខ្សោយបេះដូង។
៣ កាហ្វេអាចបង្កើនអាយុក្នុងជីវិត
ខណៈពេលដែលការបរិភោគកាហ្វេច្រើនអាចមានផលប៉ះពាល់ខ្លាំងសម្រាប់សុខភាព
ការទទួលទានបរិមាណល្មមសមរម្យនិងត្រឹមត្រូវអាចមានប្រសិទ្ធភាពផ្សេងទៀតជំនួយដល់សុខភាពពីព្រោះការបរិភោគកាហ្វេ ២ ទៅ ៣ ពែងក្នុងមួយថ្ងៃអាចជួយឲ្យបេះដូងមានសុខភាពល្អ និងធ្វើឲ្យអ្នកមានអាយុវែង។
៤ កាហ្វេធ្វើឲ្យស្បែកភ្លឺថ្លា
ការធ្វើតាមទម្លាប់ថែរក្សាស្បែក និងប្រើប្រាស់ផលិតផលត្រឹមត្រូវអាចជួយអ្នកទទួលបានស្បែកស្អាតល្អ ហើយការបរិភោគកាហ្វេអាចជាទម្លាប់ដែលស្បែករបស់អ្នកនឹងអរគុណអ្នកផងដែរ ដោយសារតែកាហ្វេសម្បូរទៅដោយសារធាតុប្រឆាំងអុកស៊ីតកម្ម និងសមាសធាតុប្រឆាំងនឹងការរលាកផ្សេងៗ ដូច្នេះហើយវាអាចការពារស្បែករបស់អ្នកពីរ៉ាឌីកាល់សេរីដែលបង្កគ្រោះថ្នាក់ និងជួយឱ្យអ្នករក្សាស្បែកឱ្យក្មេងជាងវ័យ និងភ្លឺរលោងបានយូរ។
តើអ្នកបរិភោគកាហ្វេប៉ុន្មានពែងឬកែវក្នុងមួយថ្ងៃ? តើកាហ្វេមួយណាដែលអ្នកបានបរិភោគច្រើនជាងគេក្នុងមួយថ្ងៃ?