ភ្នំពេញ ៖ ជនសង្ស័យចំនួន៣នាក់ ត្រូវបានសមត្ថកិច្ច នៃមន្ទីរប្រឆាំងបទល្មើសគ្រឿងញៀន ធ្វើការស្រាវជ្រាវ និងឃាត់ខ្លួន នៅក្នុងប្រតិបត្តិការបង្រ្កាបគ្រឿងញៀន ដោយដកហូតបាននូវសារធាតុញៀន ទម្ងន់ជិត១គីឡូក្រាម។ 

របាយការណ៍របស់សមត្ថកិច្ច បានឱ្យដឹងថា នៅក្នុងប្រតិបត្តិការស្រាវជ្រាវ និងបង្រ្កាប កាលពីថ្ងៃទី១៤ ខែឧសភា ឆ្នាំ ២០២២ ត្រូវបានធ្វើឡើងនៅតាមដងផ្លូវជាតិលេខ៤ ស្ថិតក្នុងភូមិគល់ សង្កាត់កន្ទោក ខណ្ឌកំបូល រាជធានីភ្នំពេញ។

របាយការណ៍បន្តថា ក្នុងប្រតិបត្តិការនេះ សមត្ថកិច្ច ឃាត់ខ្លួនជនសង្ស័យចំនយន៣នាក់រួមមាន ៖១-ឈ្មោះ ឃឹម រដ្ឋា ភេទប្រុស អាយុ ៣២ឆ្នាំ ជនជាតិ ខ្មែរ/២-ឈ្មោះ យី ប៊ុនថុល ភេទប្រុស អាយុ ២៩ឆ្នាំ ជនជាតិ ខ្មែរ និងទី៣-ឈ្មោះ ណយ ទាវ ភេទស្រី អាយុ ៣៧ឆ្នាំ ជនជាតិ ខ្មែរ ព្រមទាំងចាប់យកវត្ថុតាង មេតំហ្វេតាមីន (ICE) ១០កញ្ទប់ ស្មើទម្ងន់ ៩៧៥,៥៧ ក្រាមផងដែរ។

បច្ចុប្បន្ន ជនសង្ស័យ ព្រមទាំងវត្ថុតាង ត្រូវបានសមត្ថកិច្ចកសាងសំណុំរឿងបញ្ជូនទៅសាលាដំបូងរាជធានី ភ្នំពេញ ដើម្បីចាត់ការបន្តតាមនីតិវិធី៕