កំពង់ស្ពឺ៖ នៅថ្ងៃទី១៧ ខែមករា ឆ្នាំ២០២២ វេលាម៉ោង១៤នឹង១០នាទី កម្លាំងអធិការដ្ឋាននគរបាលស្រុកគងពិសី បានចាប់ខ្លួនជនត្រូវចោទម្នាក់តាមដីកាអោយចាប់ខ្លួន នៅចំណុចភូមិព្រៃកែស ឃុំព្រៃវិហារ ស្រុកគងពិសី ខេត្តកំពង់ស្ពឺ។

ជនត្រូវចោទឈ្មោះ ឡយ គា ហៅ ពិស ភេទប្រុស អាយុ៣៤ឆ្នាំ នៅភូមិព្រៃកែស ឃុំព្រៃវិហារ ស្រុកគងពិសី ខេត្តកពង់ស្ពឺ តាមដីកា២ ទី១-ដីកាបង្គាប់ឲ្យចាប់ខ្លួនលេខ ២៨៦ ចុះថ្ងៃទី០២ ខែកក្កដា ឆ្នាំ២០២០ របស់លោក តុប ឈុនសុង ចៅក្រមស៊ើបសួរសាលាដំបូងខេត្តកំពង់ស្ពឺ ពីបទរក្សាទុក ឬជួញដូរនិងប្រើប្រាស់ដោយខុសច្បាប់នូវសារធាតុញៀន។ ទី២-ដីកាបង្គាប់ឲ្យចាប់ខ្លួន និង ឃុំខ្លួនលេខ ២៦ ចុះថ្ងៃទី០៥ ខែ មករា ឆ្នាំ២០២១ របស់លោក ថៃ គឹមមុនី ចៅក្រមជំនុំជម្រះសាលាដំបូងខេត្តកំពង់ស្ពឺ ពីបទរក្សាទុក ឬជួញដូរនិងប្រើប្រាស់ដោយខុសច្បាប់នូវសារធាតុញៀន។ បច្ចុប្បន្នកម្លាំងការិយាល័យជំនាញ បានបញ្ជូនជនត្រូវចោទទៅលោកចៅក្រមចាត់ការតាមនីតិវិធី ៕