ភ្នំពេញ៖ តំបន់មួយចំនួនក្នុងប្រទេសកម្ពុជា នឹងចុះត្រជាក់រហូតដល់ ១៥អង្សារសេ ដោយសារទទួលឥទ្ធិពលពីទ្រនុងសម្ពាធខ្ពស់ពីប្រទេសចិននឹងរំកិលចុះមកក្រោម គ្របដណ្តប់លើកម្ពុជា ជាមួយនិងខ្យល់មូសុង ឦសានបក់ក្នុងល្បឿនបង្គួរ ចាប់ពីថ្ងៃទី១២ ដល់ថ្ងៃ១៨ ខែមករា ឆ្នាំ២០២២។
ក្រសួងធនធានទឹក និងឧតុនិយម បានឱ្យដឹងថា ឥទ្ធិពលពីទ្រនុងសម្ពាធខ្ពស់ នឹងធ្វើឲ្យបណ្ដាខេត្តនៅតំបន់វាលទំនាបកណ្ដាល មានសីតុណ្ហភាពអប្បបរមា មានពី ១៨-២១ ºC - សីតុណ្ហភាពអតិបរមា មានពី ៣០-៣២ °C ហើយនៅថ្ងៃទី១២-១៨ ខែមករា។ ចំណែកបណ្តាខេត្តជាប់ជួរភ្នំដងរែក និងខ្ពង់រាបឦសាន សីតុណ្ហភាពអប្បបរមា មានពី ១៥-១៨ ºC - សីតុណ្ហភាពអតិបរមា មានពី ២៨-៣០ ºC។
ក្រសួងធនធានទឹក និងឧតុនិយម បានឱ្យដឹងបន្តថា នៅតំបន់មាត់សមុទ្រសីតុណ្ហភាពអប្បបរមា មានពី ១៩-២២ ºC - សីតណ្ហភាពអតិបរមា មានពី ៣០-៣២ ºC ហើយនៅថ្ងៃទី១២-១៨ ខែមករា ៕
