ខេត្តកណ្តាល៖ ថ្លែងនៅក្នុងកិច្ចប្រជុំពិភាក្សាអំពីការពិនិត្យអាជីវកម្មរ៉ែ​ ដែលពុំមានច្បាប់អនុញ្ញាត និងធ្វើខុសបច្ចេកទេស ឬធ្វើលើសដែលកំណត់ អាជ្ញាប័ណ្ណចំនួន ៨ទីតាំង ដែលស្ថិតនៅក្នុងស្រុក កណ្តាលស្ទឹង នារសៀលថ្ងៃទី ១៦ ខែធ្នូ ឆ្នាំ ២០២១ ឯកឧត្តម គង់ សោភ័ណ្ឌ អភិបាលខេត្ត កណ្ដាល បានឱ្យម្ចាស់អាជីវកម្ម រណ្ដៅដីចំនួន ៨ទីតាំង ស្ថិតនៅស្រុក កណ្ដាលស្ទឹង ត្រូវតែបង់សួយសាចូលរដ្ឋ បង់ការ ផាកពិន័យ និងជួសជុលផ្លូវ ដែលរងការខូចខាត ។ 

ឯកឧត្តមអភិបាលខេត្ត កណ្ដាល បានណែនាំថា ដើម្បីពង្រឹងនូវអាជីវកម្មដឹកជញ្ជួនរ៉ែ ដែលបានធ្វើឱ្យផ្លូវខូច និងការធ្វើអាជីវកម្មរ៉ែ ដែល ពុំមានច្បាប់អនុញ្ញាតការធ្វើខុស បច្ចេកទេសរុករករ៉ែការធ្វើ លើសដែនអាជ្ញាបណ្ណ និងការមិនចូលរួមបង់ពន្ធសួយសារចូលរដ្ឋ ក្រុមការងារ ខេត្តបានចុះធ្វើការពិនិត្យនៅរណ្ដៅដីចំនួន ៨ទីតាំង ស្ថិតក្នុងស្រុក កណ្ដាលស្ទឹងខេត្តកណ្ដាល និងបានរកឃើញ ថា ម្ចាស់ទីតាំងចំនួន ៨នេះ គ្មានអាជ្ញាប័ណ្ណ ហើយជីកខុសបច្ចេកទេស និងដឹកលើសទម្ងន់ត្រូវបានគណៈកម្មការចម្រុះធ្វើការផ្អាកអាជីវកម្មជាបណ្ដោះអាសន្ន ។ 

មន្ត្រីម្នាក់នៅសាលា ខេត្តនិយាយថា ច្រើនឆ្នាំកន្លងមកហើយអាជីវកម្មជីកយកដីដឹកលក់សម្រាប់ ខេត្ត កណ្តាល មានភាពអនាធិបតេយ្យ  បំផុត។ គ្មានការ ត្រួតពិនិត្យទេគេត្រូវគ្នាអស់ហើយ ពីមន្ទីររ៉ែ និងម្ចាស់ស្រុក។ ពុករលួយដល់ឆ្អឹង ... ចំណែកម្ចាស់ដីស្រែ ដែលនៅជាប់រណ្តៅ ដីទឹកភ្នែករហូត ព្រោះដីស្រែ របស់គាត់បាក់ចូលក្នុងរណ្តៅដីគ្មានមហាបុរសណា ជាម្ចាស់ស្រុកជួយរកយុត្តិធម៌ទេ គេត្រូវគ្នាអស់ ជាមួយអ្នកជីក   ចែកលុយគ្នារស់យ៉ាងសុខសាន្ត ... !!