Reuters-

តៃវ៉ាន់សង្ឃឹមថានឹងមានការលូតលាស់លើផ្នែកពាណិជ្ជកម្មជាមួយនឹងសហគមន៍អឺរ៉ុបនាឆ្នាំក្រោយ នៅពេលដែកបារាំងឡើងកាន់តំណែងជាប្រធាននៃប្លុកនេះ ហើយប្រជាធិបតេយ្យត្រូវតែធ្វើការជាមួយគ្នានៅចំពោះមុខអំណាចផ្តាច់ការ ប្រធានាធិបតី Tsai in-Wen បាននិយាយប្រាប់សមាជិកសភាបារាំងកាលពីថ្ងៃព្រហស្បត៍។ ប្រធានាធិបតីតៃវ៉ាន់ Tsai in-Wen និងក្រុមសមាជិកសភាមិត្តភាពបារាំងបានជួបប្រជុំនៅការិយាល័យវិមានប្រធានាធិបតីនៃទីក្រុងតៃបុី។ តៃវ៉ាន់បានយកចិត្តទុកដាក់ដើម្បីពង្រីកចំណងមិត្តភាពជាមួយនឹងប្រទេសបស្ចឹមប្រទេសដែលកាន់លទ្ធិប្រជាធិបតេយ្យ ខណៈដែលខ្លួនកំពុងតែប្រឈមមុខទៅនឹងការកើនឡើងនូវសម្ពាធសេដ្ឋកិច្ចនិងការទូតពីប្រទេសចិនដែលបានអះអាងថាខ្លួនមានអធិបតេយ្យភាពនៅលើដែនកោះនេះ។

សហគមន៍អឺរ៉ុបបានដាក់បញ្ចូលតៃវ៉ាន់នៅក្នុងបញ្ជីរនៃដៃគូរពាណិជ្ជកម្មសំរាប់កិច្ចព្រមព្រៀងវិនិយោគទ្វេរភាគីដែលប្រកបទៅដោយសក្តានុពលក្នុងឆ្នាំ២០១៥១ឆ្នាំមុនពេលដែលលោកស្រី Tsai បានក្លាយទៅជាប្រធានាធិបតីតៃវ៉ាន់ជាលើកដំបូង ប៉ុន្តែមិនបានជជែកជាមួយទីក្រុងតៃបុិនៅលើរឿងនេះទេចាប់តាំងពីពេលនោះ។ នៅក្នុងខែកញ្ញា សហគមន៍អឺរ៉ុបបានបញ្ជាក់ថានឹងស្វែងរកកិច្ចព្រមព្រៀងពាណិជ្ជកម្មមួយជាមួយតៃវ៉ាន់ ដែលជាផ្នែកយុទ្ធសាស្ត្រជាផ្លូវការដើម្បីពង្រីកវត្តមានរបស់ខ្លួននៅក្នុងឥណ្ឌូប៉ាស៊ីហ្វីកនិងប្រកួតប្រជែងនៃការរះឡើងនៃអំណាចរបស់ចិន។

និយាយទៅកាន់ក្រុមសមាជិកសភាបារាំងនៅក្នុងការិយាល័យរបស់លោកស្រីនៅក្នុងទីក្រុងតៃបុិ Tsai បានបញ្ជាក់ថា បារាំងនឹងបន្តរធ្វើជាប្រធានប្តូរវេនសហគមន៍អឺរ៉ុបនៅឆ្នាំក្រោយ។ "យើងសង្ឃឹមថា សហគមន៍អឺរ៉ុប នៅក្រោមការដឹកនាំរបស់បារាំង អាចនឹងបន្តរជំរុញឲ្យមានការជជែករវាងតៃវ៉ាន់និងអឺរ៉ុបអំពីការវិនិយោគទ្វេរភាគី ដើម្បីបើកនូវទំនាក់ទំនងកិច្ចសហប្រតិបត្តិការណ៍ថ្មីរវាងតៃវ៉ាន់និងសហគមន៍អឺរ៉ុប" លោកស្រីបាននិយាយ។

Tsai បានជួបប្រជុំជាមួយនឹងក្រុមសភាមិត្តភាពបារាំង-តៃវ៉ាន់ដែលដឹកនាំដោយលោក Francois de Ruby មិនបាននិយាយឲ្យចំទៅលើចិនទេ ប៉ុន្តែបានអំពាវនាវឲ្យក្រុមប្រទេសដែលកាន់លទ្ធិប្រជាធិបតេយ្យត្រូវតែស្អិតជាប់នៅជាមួយគ្នា។ "ស្ថិតនៅចំពោះមុខនៃការផ្លាស់ប្តូរយ៉ាងឆាប់រហ័សនៃស្ថានការណ៍អន្តរជាតិនិងការបន្តររីកសាយភាយនៃអំណាចផ្តាច់ការ ប្រទេសប្រជាធិបតេយ្យដែលជាដៃគូរគួរតែកាន់ដៃគ្នាឲ្យជាប់ជាបន្តរទៀតនៅក្នុងកិច្ចសហប្រតិបត្តិការណ៍" លោកស្រីនិយាយ។