យោងតាមប្រភពព័ត៌មានក្នុងស្រុករបស់អ៉ីស្រាអែលបានបញ្ជាក់ឲ្យដឹងថា ទោះបីជាប្រទេសអ៉ីស្រាអែលមានអ្នកឆ្លងមួយរយៈចុងក្រោយនេះដល់ខ្ទង់ម៉ឺនក៏ដោយ ក៏ប្រទេសនេះនៅតែអាចទប់ស្កាត់បាន រហូតដល់មានអ្នកឆ្លងនៅមកសល់ខ្ទង់ពាន់ប៉ុណ្ណោះ។
យើងតាមប្រសាសន៍របស់ លោក ណាហ្វតាលី បែននេត នាយករដ្ឋមន្រ្តីអ៉ីស្រាអែលបានបញ្ជាក់ថា គឺត្រូវតែចាក់វ៉ាក់សាំង រក្សាគម្លាត និងត្រូវធ្វើតាមការណែនាំ ក្រសួងសុខាភិបាលនិងការហាមប្រាមនានារបស់រដ្ឋាភិបាលអោយបានខ្ជាប់ខ្ជួន។ ទីបំផុតប្រទេសអ៉ីស្រាអែលបានងើបរួចពីបញ្ហាកូវីត ដោយការចាក់វ៉ាក់សាំងជូនប្រជាពលរដ្ឋទាំងដូសទីមួយ  និងដូសទីពីបានប្រមាណជាង 60% ស្មើនិងចំនួន 5,974,921នាក់ ធៀបនិងចំនួនប្រជាជនអ៉ីស្រាអែលទាំងអស់ ជាង 9លាននាក់ ហើយនៅពេលនេះផងដែរប្រទេសអ៉ីស្រាអែលបានចាក់វ៉ាក់សាំងដូសជម្រុញឬដូសទី៣ ដល់ក្មេងដែលមានអាយុ12ឆ្នាំ ឡើងទៅ បានប្រមាណជាង 20% គឺស្មើនិងចំនួន 2,157,299នាក់។
បន្ទាប់ពីស្ថានការណ៍ប្រសើឡើង ប្រទេសនេះបានបើកសាលារៀនអោយសិស្សានុសិស្សចូលរៀន ចាប់ពីថ្ងៃទី01 កញ្ញា តទៅ និងអនុញ្ញាតិអោយប្រជាពលរដ្ឋធ្វើការដូចដើមវិញ ដោយគ្រាន់តែរក្សាគម្លាត និងធ្វើតាមការណែនាំរបស់ក្រសួងសុខាភិបាលប៉ុណ្ណោះ។
ហើយនៅក្នុងថ្ងៃទី02 កញ្ញានេះ ប្រទេសអ៉ីស្រាអែលមានអ្នកឆ្លងចំនួន 4864នាក់ សរុបអ្នកឆ្លងទងអស់ចំនួន 1,066,352នាក់៕

អត្ថបទ និងរូបភាពដោយ កណ្តាប់ដៃដែក